Jamia Tajushshariah
Dhanbad, Jharkhand, India
بِسْمِ اللّٰهِ الرَّحْمٰنِ الرَّحِیْمِ
اَلْحَمْدُ لِلّٰهِ رَبِّ الْعَالَمِیْنَ، وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ، مُحَمَّدٍ وَّعَلٰی آلِهِ وَأَصْحَابِهِ أَجْمَعِیْنَ، أَمَّا بَعْدُ
جامعہ تاج الشریعہ ایک دینی، تعلیمی اور اصلاحی ادارہ ہے، جو اسیرِ حضور تاج الشریعہ، ناشرِ مسلکِ اعلیٰ حضرت، بانی و سرپرست حضرت مولانا الحاج شرف الحق رضا قادری دامت برکاتہم العالیہ کی سرپرستی میں قائم کیا گیا ہے۔
یہ ادارہ دینِ اسلام کی صحیح، مستند اور معتدل تعلیم کے فروغ، اخلاقی تربیت اور کردار سازی کو اپنا بنیادی مقصد سمجھتا ہے، تاکہ طلبہ و طالبات علم کے ساتھ عمل اور اخلاق کے زیور سے آراستہ ہو سکیں۔
الحمد للہ رب العالمین! گزشتہ چار سالوں سے اسلامیات اکیڈمی اور اعلیٰ حضرت انسٹیٹیوٹ کے ذریعے ہزاروں طلبہ و طالبات تک علمِ دین کی خوشبو پہنچی ہے۔
اسی تعلیمی سفر کے دوران یہ احساس مزید مضبوط ہوا کہ ایک ایسا جامع، منظم اور مستقل ادارہ ہونا چاہیے جو آنے والی نسلوں کے لیے دینی اور عصری تعلیم کا مضبوط مرکز بن سکے۔
اسی مقصد کے تحت سرزمینِ دھنباد، جھارکھنڈ میں جامعہ تاج الشریعہ کے لیے ایک وسیع قطعۂ زمین حاصل کرنے کا ارادہ کیا گیا ہے، جس کے لیے گزشتہ ایک سال سے مسلسل کوششیں جاری ہیں۔
ان شاء اللہ الرحمٰن! یہ ادارہ خالص مسلکِ اعلیٰ حضرت کے مطابق دینی و تعلیمی خدمات انجام دے گا۔
جامعہ تاج الشریعہ کا عظیم مشن یہ ہے کہ ایسے باکردار افراد تیار کیے جائیں جو دینِ اسلام کے صحیح مبلغ ہوں اور علم، اخلاق اور عمل کے ذریعے معاشرے کی رہنمائی کر سکیں۔
اعلیٰ حضرت انسٹیٹیوٹ کی آفیشل ایپلیکیشن کے ذریعے ایک جدید، محفوظ اور خوبصورت آن لائن تعلیمی نظام تیار کیا گیا ہے، جس میں لائیو کلاسز، کلاس ریکارڈنگ، ڈیجیٹل لائبریری، آن لائن حاضری اور اساتذہ سے براہِ راست رابطہ جیسی سہولیات شامل ہیں۔
جامعہ تاج الشریعہ میں آن لائن رجسٹریشن اور ادائیگی کا نظام مکمل طور پر محفوظ اور شفاف ہے۔ کورسز سے حاصل ہونے والی رقم جامعہ کی زمین، تعمیر اور دیگر دینی کاموں میں خرچ کی جائے گی، ان شاء اللہ الرحمٰن۔